Ermənistanın Baş naziri Nikol Paşinyanın Moskvaya rəsmi səfəri və Rusiya prezidenti Vladimir Putinlə görüşdən sonra açılanan 30 bəndlik bəyanat İərvana birmənalı qarşılanmayıb. Müxalifət düşərgəsi səsləndirilən bəyanatı Rusiyanın yenidən ittifaq yaratmaq istiqamətində Ermənistanı indidən öz qucağında oturtması kimi izah edir.Elə Ermənistan müxalifətinin əlində olan media rıçaqları da təbliğatı bu istiqamətdə qurub.
Müxalifətdən fərqli olaraq Nikol Paşinyan iqtidarının rəsmiləri,eyni zamanda hakimiyyətin əlində olan media orqanları isə Paşinyandan səfərini bər-bəzəkli formada cəmiyyətə uğur kimi təbliğ edilməsi yönündə razılıq almadığından,hələlik müxalifət qarşısında demək olar ki,sönük görünürlər.
Vətəninfo.az xəbər verir ki, Ermənistanda müstəqil siyasi eksper olaraq tanımlanan politoloq Davit Stepanyan erməni mediasına açıqlamasında qeyd edir ki, müxalifət indiki hakimiyyətdən qurtulmaq istədiyi üçün Paşinyanın Moskva səfərin belə şayiələr yayaraq gözdən salmağa çalışır: “Qısa yol, hökuməti torpaqların təhvil verilməsində kapitulyator olmaqda ittiham etməkdir”.Stepanyanın sözlərinə görə, hər kəs anlayır ki, indiki məqamda ciddi addımlar atmaq, Qarabağ kimi incə məsələ ilə bağlı sənədlərə imza atmaq lazım deyil, çünki dövr geosiyasət baxımından kifayət qədər həssasdır.
Görüşdən sonra imzalanan sənədlərə toxunan politoloq qeyd edir ki, bunlar Ermənistanla “Rusiya” arasında əldə olunan şifahi razılaşmaların sadəcə fonudur: “Moskvada hansı şifahi razılaşmaların əldə olunduğunu söyləmək çətindir. Ancaq düşünürəm ki, söhbət Cənubi Qafqazda Ukrayna ilə müharibədən sonra başlayan Qərb-Rusiya münaqişəsindən gedir”. Stepanyanın sözlərinə görə, bəyanatdan aydın olur ki, Rusiya Ermənistanla Azərbaycan arasında sərhədlərin müəyyənləşdirilməsində böyük rol oynayacaq: “Bu gün Qarabağın statusu ilə bağlı olan prosesi sürətləndirmək Ermənistanın maraqlarına uyğun deyil. Görünür, hamı bu prosesləri sürətləndirmək istəyir, söhbət ABŞ, Avropa İttifaqı və Rusiyadan gedir. Söhbət reallıqda delimitasiyanın sürətlənməsi ndən gedirsə,bunu qəbul etmək lazımdır ki,delimitasiyanın iki tərəfi var. Biri erməni, digəri rusdur. Bu baxımdan demarkasiya və delimitasiya ilə məşğul olacaq komissiyanın işinin çoxlarının təsəvvür etdiyi qədər sürətli olacağını gözləmirəm. Bu iş üçün uzun müddət, hətta illər lazım olacaq” . Tərəflərin regionun bütün ölkələri arasında dialoq və çoxşaxəli əməkdaşlıq üçün əlavə imkanlar yaratmağa çağırılan “3+3” regional məşvərət ölçüsünün uğurla başlandığını qeyd etdikləri bəyanatın mətləbinə toxunan Stepanyan deyir ki, 3+3 ölçüsünə ciddi maraq olsa da,Ermənistan tərəfindən bu formata ciddi maraq yoxdur: “Bu ölçü Türkiyə üçün faydalıdır və beləliklə, onun Cənubi Qafqazda mövcudluğunu qanuniləşdirir, Gürcüstan əvvəllər də gördüyümüz kimi, bu tədbirdən imtina etdi. Gürcüstansız isə 3+3-cü ölçü yoxdur. Ən yaxşı halda 3+2 var. “Uğurlu başlanğıc” dedikdə, onlar Moskvada keçirdikləri görüşləri nəzərdə tuturlar, burada Gürcüstan yalnız bayraq şəklində təmsil olunurdu”.
Politoloq 30 bəndlik bəyanatın yayılmasından sonra cəmiyyətin müəyyən təbəqəsinin bunu İttifaq dövlətinin qeydiyyata alınmasının müqəddiməsi kimi dəyərləndirməsi ilə bağlı müşahidələrlə razılaşmır:“Moskvada imzalanmış ictimai müstəvidə deyilənlər birmənalı olaraq İttifaq dövlətindən danışmır. Mən ictimailəşdirilmiş mətndə belə bir işarə görmürəm. Ermənistan, Allah eləməsin, yeganə alternativin Rusiya olduğu vəziyyətə düşərsə, geosiyasi reallıqlar ittifaq dövlətindən danışa bilər. Amma hazırda belə reallıqlar görmürəm. “Belə fikirlər təkcə yalan deyil, həm də konkretdir, təbliğ olunur və mental şəkildə təhrif olunur”.
