İran məhkəməsi jurnalist Ruhullah Nəxəi barədə 2 il 7 ay azadlıqdan məhrum etmə qərarı çıxarıb. Vətəninfo.az xəbər verir ki, bu barədə jurnalistin vəkili Səid Xəlili məlumat yayıb.
Xarici və beynəlxalq siyasi məsələlər üzrə iranlı jurnalist Ruhullah Nəxəi 22 sentyabr 2022-ci ildə etiraz aksiyaları barədə məlumat yaydığına görə həbs edilib.
Qeyd edək ki, İran Jurnalistlər Birliyi bir müddət öncə yaydığı bəyanatda son 5 ay ərzində ölkədə 100-ə yaxın jurnalistin həbs edildiyini bildirib.
Saxlanılan jurnalistlər arasında İran hakimiyyətinə yaxın bir neçə media orqanının, o cümlədən “Şərq” qəzetinin əməkdaşlarının da adı var.
Onların bir neçəsi girov qarşılığında müvəqqəti olaraq məhkəməyə qədər sərbəst buraxılsalar da, onlarla jurnalist hələ də həbsdə saxlanılır.