İsrailin milli təhlükəsizlik naziri İtamar Ben-Qvir dua etmək üçün Məbəd dağına çıxıb və orada bütün Qəzza zolağının ələ keçirilməli olduğunu bəyan edib.
Vətəninfo.az xəbər verir ki , bu barədə Ynet portalı hadisə yerindən çəkilmiş görüntülərdə nazirin Məbəd dağına qalxmış digər yəhudilərlə birlikdə dua etdiyini əks etdirən məlumat yayıb.
Səfəri zamanı Ben Qvir HƏMAS-ın hərəkətlərinə toxunaraq, məqsədinin İsrailə təzyiq etmək olduğuna inandığını bildirib.
O, bəyan edib ki, bütün Qəzza zolağı işğal edilməli və orada İsrailin yurisdiksiyası genişləndirilməli, eləcə də bütün Həmas tərəfdarları qovulmalı və könüllü mühacirət təşviq edilməlidir.
Qeyd olunur ki, Ben Qvir iki ay yarım əvvəl vəzifəyə gəldikdən sonra Məbəd dağına ilk dəfə qalxmır.
Daha sonra baş nazir Benyamin Netanyahunun ofisi bəyan edib ki, İsrailin Məbəd dağında status-kvonu saxlamaq siyasəti dəyişməyib və dəyişməyəcək.
Məbəd dağında mövcud status-kvoya görə, orada yalnız müsəlmanlar namaz qıla bilər, digər dinlərin ardıcılları, o cümlədən yəhudilər isə dini mərasimlər etmədən yalnız turist kimi ziyarət edə bilərlər.
