Senat çox tezliklə yalnız Rusiyaya deyil, həm də Putinin müharibə maşınını maliyyələşdirən Çin və Hindistan kimi ölkələrə qarşı da sərt sanksiyaları müzakirə edəcək . Vətəninfo.az xəbər verir ki, bu barədə senator Lindsi Qrem bildirib.
“Prezident Donald Tramp Putinin oyunları ilə bağlı dəqiq deyir. Senat çox tezliklə yalnız Rusiyaya deyil, həm də Rusiya enerji məhsullarını satın alan, Putinin müharibə maşınını maliyyələşdirən Çin və Hindistan kimi ölkələrə qarşı da sərt sanksiyaları müzakirə edəcək. Senatın qanun layihəsi prezident Trampa maksimum təsir rıçaqları verən prezident səlahiyyətinə malikdir. Məsələ Putin və onun döyüş maşınına dəstək verənlərdən gedirsə, oyunun qaydalarını dəyişməyin vaxtıdır” – Lindsi Qrem sosial şəbəkədə yazır.
Xatırladaq ki, senator Lindsi Qrem və senator Riçard Blumental Rusiyaya qarşı sanksiyalar haqqında qanun layihəsinin müəllifləridir. Qanun layihəsini 100 senatorun 82-si – həm respublikaçılar, həm də demokratlar dəstəkləyir.
Qanun layihəsi Rusiya neftini satın alan ölkələrə qarşı 500%-lik rüsumların tətbiqini nəzərdə tutur.
