Vətəninfo.az xəbər verir ki, Fransa prezidenti Emmanuel Makron ABŞ prezidenti Donald Trampın təklif etdiyi Ukraynanın yeni nizamlama planına münasibət bildirib. Reuters-in məlumatına görə, dövlət başçısı planın ümumilikdə müsbət olduğunu desə də, onun dəyişikliklərə ehtiyac duyduğunu vurğulayıb.
“Bu plan sülh təklif etməsi, suverenlik və təhlükəsizlik məsələlərinə dair mühüm komponentləri ehtiva etməsi baxımından yaxşıdır. Lakin ötən yay etdiyimiz kimi, o, dəyişdirilməli olan işin əsasını təşkil edir, çünki bu plan ilk növbədə avropalılar tərəfindən razılaşdırılmayıb”, — Makron qeyd edib.
Fransa lideri bildirib ki, Trampın planında avropalı tərəfdaşları narahat edən çox sayda məqam var. Bu narahatlıqlar ilk növbədə Rusiyanın dondurulmuş aktivləri və Ukraynanın Avropa ilə inteqrasiyası məsələlərinə aiddir.
Makron əlavə edib ki, bəzi məsələlər yalnız ABŞ tərəfindən irəli sürülən təkliflər kimi qəbul edilə bilməz və onların üzərində geniş müzakirələr aparılmalıdır.
