Fransa prezidenti Emmanuel Makron Ukraynadakı münaqişənin 2027-ci ilə qədər sona çatacağına ümid etdiyini bildirib. Vətəninfo.az xəbər verir ki, bu barədə o, Paris yaxınlığındakı Velizi-Villakule aviabazasında səfərdə olan Ukrayna prezidenti Vladimir Zelenski ilə görüşü zamanı bildirib.
“Aİ-nin son qərarları, o cümlədən Rusiya neft şirkətlərinə qarşı yeni sanksiyalar Moskvaya təzyiq göstərmək üçün əsl dönüş nöqtəsi oldu”, – Makron vurğulayıb.
Həmçinin, Fransa lideri seçildikdən sonra münaqişəni “24 saat ərzində” tez bir zamanda dayandırmağa söz verən ABŞ prezidenti Donald Trampın ritorikasının dəyişdiyini qeyd edib.
“Fikirlər konkretləşəndə dəyişir. Atlantik okeanının o tayında baş verənlər çoxlarını ruhlandırmalı və onları daha az kateqoriyalı etməlidir”, – Fransa prezidenti əlavə edib.
