Vətəninfo.az xəbər verir ki, İngiltərənin Durham qraflığında keçirilən məhkəmə iclasında müəyyən edilib ki, təcrübəli paraşütçü Ceyd Damarell 4.700 metr yüksəklikdən özünü yerə ataraq intihar edib.
32 yaşlı idmançı aprelin 27-də Shotton Colliery hava limanı yaxınlığındakı əkin sahəsinə düşərək həyatını itirib. Hadisə onun münasibətinin bitməsindən bir gün sonra baş verib.
Məhkəmədə bildirilib ki, Damarell nə əsas paraşütünü, nə də ehtiyat paraşütünü açıb. O, həmçinin paraşütün avtomatik aktivləşmə cihazını (AAD) da söndürüb.
Crook Civic Centre-də keçirilən dinləmədə məlum olub ki, Damarell mobil telefonunun ekran kilidinə cihazın açılması üçün təlimatlar, həmçinin “Qeydlər” bölməsində şəxsi maliyyə məlumatlarını və vida məktublarını qeyd edib.
Koroner Lesli Hamilton onun həmin səhər bilərəkdən həyatına son qoymaq niyyətində olduğunu əsas gətirərək, intihar hökmü verib.
Honq Konqda anadan olan və Uelsin Caerphilly şəhərində yaşayan Damarell paraşütçülüyü çox sevirdi və 500-dən artıq tullanma həyata keçirmişdi.
