Vətəninfo.az xəbər verir ki, ABŞ-ın Aeronavtika və Kosmik Tədqiqatlar Agentliyi (NASA) Beynəlxalq Kosmik Stansiya (MKİ) proqramı çərçivəsində rusdilli dəstəyə dair müqaviləni 2028-ci ilə qədər uzatmağı planlaşdırır.
Agentlik bu məqsədlə TechTrans International adlı amerikalı şirkətlə əməkdaşlığın davam etdirilməsini nəzərdə tutur. Şirkət NASA üçün Rusiyada və Qazaxıstanda tərcümə xidmətləri, dil hazırlığı və logistika ilə bağlı dəstəyi həyata keçirir.
Müqavilə çərçivəsində rus və ingilis dillərində operativ tərcümələr, əməkdaşların müşayiəti, Rusiyadakı NASA ofislərinin və avtomobil parkının idarə olunması, eləcə də Baykonur kosmodromunda texniki dəstək xidmətləri göstərilir.
Sənədin ümumi dəyəri 81,7 milyon ABŞ dollarına çata bilər. NASA müqaviləni tender keçirmədən uzatmağı planlaşdırsa da, alternativ təkliflərin təqdim olunması üçün 16 avqusta qədər vaxt müəyyən edib.
