“KXDR-in nüvə silahına malik dövlət kimi dönməz mövqeyini tanımaq… gələcəkdə hər şeyi qabaqcadan görmək və düşünmək üçün ilkin şərt olmalıdır”, o, dövlət xəbər agentliyinin yaydığı bəyanatda bildirib.
Kim Yo Jong Kim Çen In ilə ABŞ prezidenti Donald Tramp arasında şəxsi münasibətlərin “pis olmadığını” deyib, eyni zamanda Vaşinqtonun Şimali Koreyanı nüvə silahından təmizləmək üçün istifadə etmək cəhdlərinin “lağ etmək” kimi şərh ediləcəyini bildirib.
“Əgər Birləşmiş Ştatlar dəyişmiş reallığı qəbul edə bilməsə və uğursuz keçmişi davam etdirsə, KXDR-ABŞ görüşü Amerika tərəfinin “ümid”i olaraq qalacaq”, – o deyib.
2018-ci ilin iyununda Sinqapurda keçirilən ilk ABŞ-Şimali Koreya sammitində Donald Tramp və Kim Çen In razılaşıblar ki, Vaşinqton Koreya yarımadasının “tam” nüvəsizləşdirilməsi müqabilində Pxenyana təhlükəsizlik zəmanəti verəcək.
Bununla belə, 2019-cu ilin fevralında Hanoyda keçirilən ikinci sammitində tərəflər ABŞ-ın tələbləri və Şimali Koreyanın sanksiyaların yüngülləşdirilməsi çağırışı ilə bağlı fikir ayrılıqlarını həll edə bilmədi. Daha sonra Tramp və Kim Çen In həmin ilin iyununda iki Koreyanı ayıran Hərbisizləşdirilmiş Zonada görüşüb, ardınca oktyabrda Stokholmda ABŞ-KXDR işçi səviyyəli görüşü olub. Lakin görüşlərdə irəliləyiş əldə olunmayıb.
Kim Yo Conq vurğulayıb ki, Şimali Koreyanın nüvə imkanları və geosiyasi mühiti həmin görüşlərdən sonra köklü şəkildə dəyişib.
