Masallı şəhər bələdiyyəsinin sədr müavini Əsəd Əzizov cari ildə müxtəlif dövlət qurumları ilə 15 satınalma müqaviləsi imzalayıb.
Qaynarinfo xəbər verir ki, bələdiyyə sədrinin müavini müqavilə imzalayan qurumlar aşağıdakılardır:
* “Aqrarkredit” QSC BOKT – Şəki filialı
* Sumqayıt Şəhər İcra Hakimiyyəti
* AMEA-nın Geologiya və Geofizika İnstitutu
* Ekologiya və Təbii Sərvətlər Nazirliyi yanında Bioloji Müxtəlifliyin Qorunması Xidməti
* Bakı İlahiyyat Kolleci
* Azərbaycan Respublikasının Dövlət Turizm Agentliyi – “Xınalıq və Köç Yolu” Tarix-Mədəniyyət və Etnografiya Qoruğu
* Ağcabədi Rayon İcra Hakimiyyəti
* Ordubad Rayon Təhsil Şöbəsi
* Azərbaycan Respublikasının Energetika Nazirliyi
* Ə.Əliyev adına Azərbaycan Dövlət Həkimləri Təkmilləşdirmə İnstitutu
* Daşkəsən Rayon İcra Hakimiyyəti
* Qusar Rayon İcra Hakimiyyəti Başçısının Aparatı
Bu müqavilələrdə əsasən mebel avadanlıqlarının satışı nəzərdə tutulur. Satınalma müqavilələrinin ümumi maliyyə dəyəri 297 538,74 manat təşkil edir.
Əsəd Əzizov satınalma müsabiqələrində fəal iştirak edir. O, əsasən kotirovka sorğularının qalibi seçilib.
Əsəd Əzizov bələdiyyə seçkilərinə qatılarkən onun tərcümeyi-halında fərdi sahibkarlıqla məşğul olduğu qeyd edilib. Amma Azərbaycan qanunvericiliyinə onun biznes fəaliyyəti ilə məşğul olması qadağandır.
“Bələdiyyələrin statusu haqqında” Qanuna görə öz səlahiyyətlərini daimi əsasla icra edən bələdiyyə üzvü elmi, yaradıcılıq və pedaqoji fəaliyyət istisna olmaqla, öz səlahiyyətlərini daimi əsasla icra edən bələdiyyə üzvü əsas iş yeri üzrə başqa yerdə işləyə bilməz.
Bələdiyyə sədrinin müavinləri də səlahiyyətlərini daimi əsaslarla icra edən bələdiyyə üzvləri kateqoriyasına aiddir.
