İran rəsmisi Rusiyanı İsraillə münaqişə zamanı xəyanətdə ittiham edir
Asriran qəzeti rəsminin İran telekanallarından birinə verdiyi müsahibəyə istinadən xəbər verir ki, yüksək rütbəli İran rəsmisi deyib ki, Rusiya İsraillə son silahlı münaqişə zamanı düşməni əsas kəşfiyyat məlumatları ilə təmin etməklə faktiki olaraq Tehrana xəyanət edib.
İranın Siyasi Məqsədliliyi Müəyyənetmə Şurasının üzvü Seyid Məhəmməd Sədr vurğulayıb ki, iyunda 12 günlük münaqişə Moskvanın həqiqi münasibətini göstərdi. Nəşr onun sözlərini sitat gətirir: “Rusiya İsrailə İranın hava hücumundan müdafiə sistemlərinin harda yerləşməsi barədə məlumat verib.”
Sədrin fikrincə, bu, Rusiya ilə müttəfiqliyi “faydasız” edir. O, rəsmi Moskvanın İsrail təcavüzünə qarşı zəif reaksiyasını da qeyd edib: “Biz İsrailin İrana hücum etməsinə sevinmirik”. Bundan əlavə, rəsmi Rusiyanın NATO blokuna daxil olan, Moskva ilə düşmənçilik edən Türkiyəyə müasir S-400 sistemləri satmasını xatırladıb.
“Bu, uzun müddətdir danışdığımız heç də strateji tərəfdaşlıq deyil”, – Sədr bildirib.
