Rusiya pilotsuz təyyarələrinin təhlükəsi ilə əlaqədar Kiyevdə hava hücumu xəbərdarlığı elan edilib.
Vətəninfo.az xəbər verir ki, bu barədə Kiyev şəhər administrasiyası və Ukrayna Hərbi Hava Qüvvələri Telegram-da məlumat yayıb.
Kiyev istiqamətində pilotsuz uçuş aparatları aşkar edilib. Buna cavab olaraq hava hücumundan müdafiə sistemi işə salınıb və təhlükəni dəf edir. Sakinlərə sığınacaqlarda qalmaları tövsiyə olunub.
Həyəcan siqnalı verildikdən bir neçə dəqiqə sonra, birinin uşaq bağçası olduğu ehtimal edilən üç yerdə partlayışlar olduğu bildirilir. Ölənlərin sayı barədə hələlik dəqiq məlumat yoxdur.
