Şamaxıda “Bölgələrdə Sahibkarlığın İnkişafı” layihəsinin növbəti görüşü baş tutub.
Azərbaycan Respublikası QHT-lərə Dövlət Dəstəyi Agentliyinin maliyyə dəstəyi və Universitet Təhsilli Qadınlar İB-nin təşkilatçılığı ilə “Bölgələrdə Sahibkarlığın İnkişafı” layihəsinin növbəti görüşləri Şamaxıda keçirildi.
Layihə bölgələrdə sahibkarlığı stimullaşdırmaq, gənc qızların biznesdə iştirakını artırmaq və iqtisadi fəallığı gücləndirmək məqsədi daşıyır. Tədbirdə gənc xanımlar iştirak edərək, biznes quruculuğu, dövlət dəstəyi və şəbəkələşmə imkanlarını müzakirə etdilər.
Layihə çərçivəsində digər bölgələrdə və Bakı şəhərində də tədbirlərin keçirilməsi planlaşdırılıb. Məqsəd, yerli iqtisadiyyatın inkişafına və qadınların fəallığına dəstək olmaqdır.
