Bu gün KXDR tərəfindən buraxılan iki ballistik raket təxminən 350 km uçaraq Yapon dənizinə düşüb, uçuşun maksimal hündürlüyü 50 km olub. Bu barədə Vətəninfo.az TASS agentliyinə istinadən xəbər verir .
Yaponiya Müdafiə Nazirliyinin verdiyi məlumata görə, ehtimala görə, onlar “dəyişən trayektoriya üzrə uçublar”. Departament hazırda buraxılışla bağlı məlumatların təhlilini davam etdirir. Raketlər Yaponiyanın müstəsna iqtisadi zonasından kənara düşüb. Nazirlikdən verilən məlumata görə, balıqçı gəmilərinə hər hansı ziyan dəyməsi barədə məlumat daxil olmayıb.
Eyni zamanda, “Yonhap” agentliyi Koreya Respublikası Silahlı Qüvvələrinin Baş Qərargah Rəisləri Komitəsinə istinadən qeyd edir ki, raketlər Hvanqhae əyalətinin şimalındakı Çunhva rayonundan buraxılıb.
Buraxılış ABŞ-Cənubi Koreyanın birgə amfibiya eniş təlimindən və ABŞ təyyarədaşıyan gəmisinin təhvil verilməsindən bir neçə saat əvvəl baş verib.
Bu, artıq ilin əvvəlindən onuncu raket buraxılışıdır ki, onun səkkizində KXDR ballistik raketləri sınaqdan keçirib. Fevralın 18-də və martın 16-da Pxenyan “Hwanson-15” və “Hwanson-17” qitələrarası ballistik raketlərini uğurla buraxıb.
