Vətəninfo.az xəbər verir ki, ABŞ prezidenti Donald Tramp, Türkiyə prezidenti Rəcəb Tayyib Ərdoğanın Ukrayna böhranının həllində vasitəçi rolunu oynaya biləcəyini bildirib. O, Şarm əl-Şeyxdən Vaşinqtona qayıdarkən jurnalistlərlə görüşü zamanı bu fikirlərini ifadə edib.
Tramp, Ərdoğanın Rusiya-Ukrayna münaqişəsinin nizamlanmasında vasitəçilik edə biləcəyini vurğulayıb. Onun sözlərinə görə, prezident Vladimir Putin, Türkiyə liderinə hörmət edir, bu da Ərdoğanın münaqişənin həllində effektiv rol oynamağa imkan verir. Lakin Tramp, Ukrayna məsələsi ilə bağlı konkret bir açıqlama verməyib, sadəcə olaraq, bu məsələnin həllinə dair ümumi müsbət fikirlər səsləndirib.
