Trampın son açıqlamaları “Financial Times” qəzetinin ABŞ prezidentinin Ukraynanı Rusiyaya qarşı hücumları artırmağa təşviq etdiyi barədə xəbərindən sonra verib.
Vətəninfo.az xəbər verir ki, ABŞ prezidenti Donald Tramp bəyan edib ki, Ukrayna prezidenti Volodimir Zelenski Moskvanı hədəf almamalıdır.
Trampın bu bəyanatları iyulun 15-də “The Financial Times” qəzetində Trampın Ukraynanı Rusiyaya qarşı hücumları artırmağa təşviq etdiyinə dair xəbərdən sonra yayılıb.
Xəbərdə iddia olunur ki, Tramp Zelenskidən ABŞ-dan uzaqmənzilli silahlar alacağı təqdirdə Moskvaya hücum edilib-edilməyəcəyi ilə bağlı sual verib.
İyulun 14-də Tramp Kiyevə daha çox silah göndəriləcəyini və Rusiyanın Ukraynaya hərbi hücumlarına görə Rusiyaya qarşı daha sərt mövqe tutacağını açıqlayıb. Vəziyyəti həll etmək üçün Kremlə 50 gün vaxt verən Tramp münaqişənin sona çatmayacağı təqdirdə yeni, genişmiqyaslı iqtisadi sanksiyalar tətbiq edəcəyini bəyan edib.
Tramp və NATO-nun Baş katibi Mark Rutte Avropa NATO ölkələrinin ABŞ-dan silahlar, o cümlədən milyardlarla dollar dəyərində “Patriot” raketdən müdafiə sistemləri alıb Ukraynaya göndərməsini nəzərdə tutan razılaşmanı açıqlayıb.
Tramp uzun müddətdir ki, ABŞ-ın Ukraynanın silahlanmasındakı rolunu tənqid etsə də, NATO hazırda Kiyevə göndərilən silahların əksəriyyətinə Avropanın cavabdeh olduğunu vurğulayıb.
Digər tərəfdən, Almaniya, Danimarka, İsveç və Hollandiya kimi Avropa ölkələri ABŞ-ın yeni planına qoşulacaqlarını və ya qoşulmağı nəzərdən keçirdiklərini açıqlayıblar.
ABŞ Ukraynanın silahlanmasında “yükü bölüşməlidir”
Aİ-nin Avropa İttifaqının (Aİ) Xarici İşlər və Təhlükəsizlik Siyasəti üzrə Ali Nümayəndəsi Kaja Kallas bəyan edib ki, ABŞ Ukraynanın silahlanmasında “yükü bölüşməlidir”.
Brüsseldə keçirilən Aİ Xarici İşlər Nazirləri Toplantısından sonra Kallas “Prezident Trampın Ukraynaya daha çox silah göndərmə qərarını alqışlayırıq, lakin ABŞ-ın yükü paylaşmasını istərdik” deyib. O, həmçinin deyib ki, silah verəcəyinizə söz versəniz və bunun əvəzini başqasının ödəyəcəyini söyləsəniz, bu, həqiqətən, sizin vədiniz deyil”.
Kremlin sözçüsü Dmitri Peskov iyulun 15-də bildirib ki, ABŞ, NATO və Aİ-nin Ukraynaya hərbi yardımla bağlı qərarları Kiyev tərəfindən “müharibənin davam etdirilməsi üçün təşviq” kimi qəbul ediləcək. Moskvada mətbuat konfransında danışan Peskov vurğulayıb ki, Avropadan gələn siyasi bəyanatlar sülh axtarmaqdansa, münaqişələri qızışdırmağa meyllidir.
Peskov bəyan edib ki, Rusiya Ukrayna ilə birbaşa danışıqlara açıqdır və danışıqların üçüncü raundu üçün təklif olunan tarixləri gözləyir.
O, əlavə edib: “Biz hazırıq, lakin Kiyevdən heç bir təklif almamışıq. Vaşinqton və Avropa dialoq istədiklərini iddia edirlər, lakin onların hərəkətləri bunun əksini nümayiş etdirir”.
