Vətəninfo.az xəbər verir ki, Rusiya prezidenti Vladimir Putin G20 Liderlər Sammitində iştirak edəcək Rusiya nümayəndə heyətinə rəhbərlik etməyi administrasiya rəhbərinin müavini Maksim Oreşkinə tapşırıb.
Müvafiq sərəncam hüquqi informasiya portalında dərc olunub.
Sammit noyabrın 20-dən 24-dək Yohannesburqda baş tutacaq.
Rusiya nümayəndə heyətinə həmçinin prezident administrasiyasının ekspert şöbəsinin rəhbəri Denis Aqafonov, onun müavini və prezidentin aparıcı sənayeləşmiş ölkələr qrupunun nümayəndələri və G20 liderləri ilə əlaqələr üzrə nümayəndəsi Svetlana Lukaş, xarici işlər nazirinin müavini Aleksandr Pankin və maliyyə nazirinin müavini İvan Çebeskov da daxildir.
Bundan əvvəl Finlandiya prezidenti Aleksandr Stubb bildirib ki, Putin sammitdə ABŞ prezidenti Donald Trampla görüşə bilər. Stubb həmçinin Ukrayna prezidenti Vladimir Zelenskinin G20 sammitində iştirak ehtimalını xatırladıb və onun Putinlə görüşə biləcəyini bildirib.
Tramp özü də tədbirdə iştirak etməyəcəyini açıqlayıb. Əvəzində sammitdə ABŞ-ın vitse-prezidenti J.D.Vens iştirak edəcək.
