Türkiyə Silahlı Qüvvələrinə məxsus C130 hərbi yük təyyarəsi, Azərbaycanın Gəncə Hava Limanından havaya qalxaraq Türkiyəyə qayıdarkən, Gürcüstan sərhədi yaxınlığında qəzaya uğrayıb. Təyyarənin göyərtəsində 20 nəfər olub, onlardan biri, Hərbi Hava Qüvvələri Baş Qərargah rəisi Ramazan Yağız şəhid olub.
Vətəninfo.az xəbər verir ki, Şəhid Yağızın adı, doğulduğu Balıkəsir vilayətinin Sındırgı mahalının Çatalsöğüt məhəlləsində və anasının yaşadığı Osmanqazi rayonunun Küçükbalıklı məhəlləsində kədər içində anılıb. Şəhidin ailəsi və yaxınları, kəndlərində türk bayraqları ilə bəzədilib. Ramazan Yağız, orta məktəbi bitirdikdən sonra hərbçi olmağa qərar vermiş və ailəsinin dəstəyi ilə silahlı qüvvələrə qoşulmuşdu. Yağızın şəhid olduğu xəbəri, kəndlərində böyük hüzünə səbəb olub.
Ramazan Yağız, 11 noyabr 2022-ci ildə şəhid olan uşaqlıq dostu, Piyada Komandiri Emre Sevinçin şəhidlik ildönümünü sosial media hesabında “Rəhmət eləsin, igidim, şəhidlik ildönümündə” qeydi ilə yad etmişdi. Bir neçə saat sonra isə özü də şəhid oldu. Emre Sevinçin atası Mehmet Sevinç, sosial şəbəkə hesabında, oğlunun və Ramazan Yağızın şəhidlik xəbərlərini paylaşaraq, “İgidlərim, eyni gündə razılaşdınızmı cənnətdə görüşməyə?” – yazıb.
Ramazan Yağızın, 10 il əvvəl kök hüceyrə bağışlayaraq bir xərçəng xəstəsinin həyatını xilas etdiyi məlum olub. Yağız, 2023-cü ilin iyun ayında Ankara Bilkent Şəhər Xəstəxanasında həyata keçirilən transplantasiya nəticəsində uyğunlaşdığı xəstənin müalicəsini paylaşmışdı. O, sosial media hesabında bu təşəbbüsün ardından aldığı təşəkkürnaməni və bu müsbət xəbərini sevinc hissi ilə bölüşmüşdü.
