ABŞ Prezidenti Donald Trampın xüsusi nümayəndəsi Stiven Vitkoff və prezidentin kürəkəni Cared Kuşner Brüsseldə Ukrayna Prezidenti Vladimir Zelenski ilə planlaşdırılan görüşü ləğv ediblər. Vətəninfo.az xəbər verir ki, bu barədə Euronews jurnalisti Alek Rauf oğlu sosial şəbəkə X-də məlumat verib.
“ Mənbələrin bildirdiyinə görə, Brüsseldəki görüş ləğv edilib. Zelenski ölkəsinə qayıdır. Kreml iddia edir ki, Vitkoff və Kuşner Putininlə danışıqlardan sonra birbaşa Vaşinqtona gedəcəklərini ‘vəd ediblər’ ”, – jurnalist yazıb.
Vitkoff, Kuşner və Zelenski arasında mümkün görüş barədə məlumatı daha əvvəl France-Presse agentliyi yaymışdı.
