Vətəninfo.az xəbər verir ki, ABŞ Prezidenti Donald Tramp administrasiyası, Rusiya-Ukrayna müharibəsi ilə bağlı sülh danışıqlarını yenidən başlamaq məqsədilə yüksək səviyyəli Pentaqon nümayəndə heyətini Ukraynaya göndərib. Bu barədə The Wall Street Journal (WSJ) nəşrinə danışan ABŞ rəsmiləri məlumat veriblər.
Rəsmilər, Pentaqon nümayəndə heyətinin Ukraynanın paytaxtı Kiyevə göndərildiyini və burada Ukrayna Prezidenti Volodimir Zelenski ilə yanaşı, digər yüksək vəzifəli Ukrayna rəsmiləri ilə də görüşlər keçirəcəyini bildiriblər.
Bu addım, Tramp administrasiyasının Rusiya ilə Ukrayna arasında müharibənin dayandırılması və sülh danışıqlarının yenidən başlaması məqsədinə yönələn səylərinin bir hissəsidir.
