Azərbaycan xalqının Ümummilli Lideri Heydər Əliyevin 100 illik yubileyinə həsr olunmuş tədbirlərdə iştirak etmək üçün Milli Məclisin komitə sədri, Avstriya ilə parlamentlərarası əlaqələr üzrə işçi qrupunun rəhbəri Tahir Mirkişili mayın 12-də Avstriyanın paytaxtı Vyana şəhərinə səfər edəcək.
Burada Ulu Öndərin 100 illik yubileyinə həsr olunmuş qala konsert, “Heydər Əliyev və Azərbaycan mədəniyyəti” mövzusunda fotosərgi və digər tədbirlər keçiriləcək. Tədbirlərdə görkəmli siyasi və dövlət xadimi Heydər Əliyevin həyatından və ictimai-siyasi fəaliyyətindən bəhs ediləcək.
Səfər mayın 14-də başa çatacaq.
