“Sülhməramlılar ölkədə qayda-qanunun yaradılmasında deyil, hərbi strukturların və dövlət əhəmiyyətli başqa obyektlərin mühafizəsində iştirak edəcəklər”.
Veteninfo.az “RİA Novosti”yə istinadən xəbər verir ki, Rusiya Dövlət Dumasının MDB məsələləri üzrə komitəsinin başçısı Leonid Kalaşnikov Kollektiv Təhlükəsizlik Müqaviləsi Təşkilatının (KTMT) Qazaxıstana göndərəcəyi sülhməramlılar barədə danışarkən deyib.
KTMT-nin qərargahından isə bildirilib ki, quruma üzv dövlətlərin (Rusiya, Belarus, Ermənistan, Qazaxıstan, Qırğız Respublikası və Tacikistan) liderləri Qazaxıstanda göndəriləcək sülhməramlıların tərkibini, strukturunu və sayını müəyyənləşdirəcək.
