image-65backend

Məşhur klinikanın həkimi barədə İDDİA: 8 min manata 6 stend qoydu, xəstə öldü – FOTO

image-reklam_sirab_01

N.Tusi adına klinikada əməliyyat olunan xəstə vəfat edib.

Veteninfo.az xəbər verir ki, 1955-ci il təvəllüdlü Heydər Cəfərxanova eyni vaxtda altı stend qoyulub. O elə əməliyyat masasında dünyasını dəyişib.

Xəstə yaxınları iddia edir ki, bədbəxt hadisə kardioloq Samir Abbasovun səhvi ucbatından baş verib.

Bildirilir, o xəstənin vəziyyətini düzgün qiymətləndirməyib və eyni vaxtda altı stend qoymaqla onun həyatına qəsd edib:

“Heydər Cəfərxanov şəkər xəstəsi idi. Ümumi yoxlanışa gedib. Həkim koronar angioqrafiya (anju) edib, sonra da dərhal əməliyyata aparıb. Onun heç yaxınları ilə məsləhətləşməyə də imkan verilməyib. Sadəcə lazım olan səkkiz min pul alınıb və əməliyyata salınıb. Mütəxəssislər bildirir ki, belə bir xəstəyə eyni vaxtda altı stend qoymaq olmazdı”.

Xəstə yaxınları hadisə ilə bağlı Yasamal Rayon Prokurorluğuna müraciət ediblər, faktla bağlı cinayət işi başlanılıb.

Məsələ ilə bağlı həkim Samir Abbasovla əlaqə saxlanılıb.

 

S. Abbasov açılamasında bu iddiaların əsasız olduğunu deyib.

Onun sözlərinə görə, əməliyyat tam uğurla aparılıb və bu proses diskə yazılıb:

“Xəstə beşinci gün müraciət edib və anju olunub. Onun bütün damarlarında demək olar ki, tutulma var idi. Birinci xəstəyə açıq-ürək əməliyyatı məsləhət görüldü və bundan qəti imtina etdi. Daha sonra üstü açılıb ki, üç ay bundan qabaq hansısa bir mərkəzdə yenə anju olunub və yenə əməliyyat təklif ediblər. Amma xəstə qəti imtina edib. Xəstə bizə gələndə yoldaşına əməliyyatla bağlı məlumat verdik. O da həyat yoldaşı ilə danışdı, amma yenə də açıq ürək əməliyyatına razı olmadı. Gördüyümüz işlərin hamısı diskə yazılıb. Yəni stend qoyulan andan bitənə qədər diskə yazılır və disk də müvafiq orqanlara təqdim olunub”.

Həkim bildirib ki, stendlərin sayının çox olması müzakirə mövzusu deyil:

“Praktikada 8-10, hətta mən Almaniyada 11 dənə də stend qoymuşam. Burada da vəziyyət belədir ki, birinci açıq ürək əməliyyatı olmalıdır, əgər olmasa stend qoyulmalıdır. Həmin xəstənin də bütün damarlarında tutulma olub. Biz uğurlu əməliyyat edib damarları normallaşdırdıq, sadəcə olaraq müasir təbabətdə də 100 xəstədən 8-də tromblaşma əmələ gəlir ki, bu dəqiqə dünyanın bəlası budur. Yer kürəsində ölənlərin tam 50 %-i ürək-damar xəstəliyindən ölür. Yenidən qeyd edim ki, biz hər şeyi xəstənin yaxınlara izah etdik, hətta xəstə açıq ürək əməliyyatından imtina etdiyi üçün stend qoyulmasına görə razılığını alıb imza da çəkdirmişik. Qeyd edim ki, ürəyin özü də çox zəif idi”.

image-reklam_opel_02

  • whatsapp
  • messenger
  • telegram
  • vkontakte
  • odnoklassniki