Rusiya ordusu Ukraynanın hərbi-sənaye kompleksinə, nəqliyyat və liman infrastrukturuna kütləvi zərbələr endirib.
Vətəninfo.az xəbər verir ki, bu barədə Rusiya Müdafiə Nazirliyi açıqlama yayıb.
Bildirilib ki, hücumlar gecə saatlarında yerüstü yüksək dəqiqlikli silahlar və pilotsuz uçuş aparatları (PUA) vasitəsilə həyata keçirilib.
Rusiya Müdafiə Nazirliyinin iddiasına görə, zərbələr Ukraynanın uzun və orta mənzilli qanadlı raketlərin, eləcə də PUA-ların istehsalı və texniki xidməti ilə məşğul olan hərbi-sənaye müəssisələrinə endirilib.
Açıqlamada Kiyevdəki nəqliyyat infrastrukturu obyektlərinin, Odessa vilayətində isə Ukrayna Silahlı Qüvvələrinin istifadə etdiyi liman infrastrukturu obyektlərinin və dəniz gəmilərinin də hədəfə alındığı qeyd olunub.
Hücumların nəticələri və mümkün itkilər barədə məlumat verilməyib. Rusiya tərəfinin açıqlamasını təsdiqləyən Ukrayna mənbələrinin məlumatı təqdim olunan xəbərdə yer almayıb.
