“Rusiyanın Polşada olan hadisələrlə heç bir əlaqəsi yoxdur, miqrasiya böhranında Rusiyanı günahlandırmağa çalışırlar, lakin heç nə alınmayacaq”.
Veteninfo.az xəbər verir ki, bunu rusiyalı senator Aleksey Puşkov deyib.
Onun sözlərinə görə, Varşavanın Moskva ilə Belarusla sərhəddəki vəziyyəti müzakirə etməyə hazır olması barədə bəyanatı qeyri-konstruktivdir və ölkənin dünya miqyasında statusunu yüksəltməyə yönəlib:
“Almaniya kansleri Angela Merkel də Moskvanı belə danışıqlara cəlb etməyə çalışsa da, amma Aleksandr Lukaşenkoya yönləndirildi. Eyni şeyi Polşaya da məsləhət görmək olar”.
