Maduronun ABŞ qüvvələri tərəfindən həbs edilməsindən sonra Avropa və ABŞ-dən sərt siyasi reaksiyalar gəlib. Vətəninfo.az xəbər verir ki, Niderland Parlamentinin vitse-spikeri Geert Vilders “X” hesabında Venesuela ilə bağlı paylaşım edərək İranın ali lideri Əli Xameneiyə ünvanlanan təhdid xarakterli ifadə işlədib: “Xameneyi, sənin təhlükəsiz otağın nə qədər yaxındır?”
ABŞ Nümayəndələr Palatasının respublikaçı üzvü Marjori Teylor Qrin isə açıqlamasında Maduronun vəzifədən kənarlaşdırılmasının İranda mümkün növbəti “rejim dəyişikliyi” üçün zəruri siyasi sabitliyi yarada biləcəyini bildirib.
Qeyd olunur ki, Venesuela prezidenti Nikolas Maduro İranın əsas müttəfiqlərindən biri hesab olunurdu. Tramp administrasiyasının Karakasa qarşı təzyiq kampaniyası fonunda İran rəsmiləri Amerikanın Venesuelaya qarşı addımlarını dəfələrlə pisləyib.
