Dünən İranın Xarici Əlaqələr üzrə Strateji Şurasının rəhbəri Kamal Xərrazi bildirib ki, İslam İnqilabının başlanğıcından bəri bəzi qonşu ölkələrdə narahatlıq və qorxu yaradan səhvlər edilib.
Vətəninfo.az xəbər verir ki, Xərrazi vurğulayıb ki, İslam Respublikasının xarici siyasətinin prioritetlərindən biri qonşu ölkələrlə münasibətləri yaxşılaşdırmaq və gücləndirməkdir: “Qonşularımız əslində mərhəmətlə davranılmalı olan insanlardır. Biz ilk növbədə onların etibarını qazanmalı və münasibətləri genişləndirməliyik”.
O bildirib ki, İslam İnqilabını ölkədən kənara çıxarmaq metodu səhv aparılıb: “İnqilabı zorla yaymaq mümkün deyil. Əsl məqsəd onun ideallarının başqalarının qəlbində yer tapması və onların inqilabın tərəfdarı olmasıdır”.
Xərrazi İraqı nümunə gətirərək deyib ki, bu ölkənin xalqı İranın inqilabını müdafiə edir, çünki onların idealları və müstəqillik anlayışı ilə uyğunlaşıb. (IRNA)
