“Atamın müalicəsi davam edir, beyninin oyanmasına çalışırlar. Həkimlər sepsis diaqnozu qoyublar, konkret söz deyə bilmirlər. Vəziyyəti nə yaxşıya doğru gedir, nə də pisə, stabildir”.
Vətəninfo.az Oxu.az-a istinadən xəbər verir ki, bu fikirləri Şuşa Dövlət Musiqili Dram Teatrının direktoru, Əməkdar artist Yadigar Muradovun oğlu Yaşar Muradov deyib.
“Həkimlər zamanla biləcəklər ki, atamın beyni oyanacaq, ya yox. Qismən süni tənəffüs aparatına qoşulub. İnfeksiya ilə bağlı müalicəsi davam edir. Gözünü hərdən açır, sonra yumur”.
Qeyd edək ki, Əməkdar artist onkoloji xəstəlikdən əziyyət çəkir, bir müddət öncə xəstəxanaya yerləşdirilib.
