1 dekabr 2025-ci il tarixində “Feniks” Sağlam Həyat Təbliği İctimai Birliyi-nin sədri Azər Məmmədov “Ümumdünya QİÇS-lə Mübarizə Gününə həsr olunmuş konfrans” adlı tədbirdə iştirak edib. Dövlət qurumları, ÜST, Qlobal Fond və QHT nümayəndələrinin iştirakı ilə İİV/QİÇS üzrə epidemioloji vəziyyət və profilaktika tədbirləri müzakirə edilib. QHT-lərin rolu, stiqma və ayrı-seçkiliklə mübarizə, ART monitorinqi və rəqəmsal həllər diqqət mərkəzində olub.
“Feniks” Sağlam Həyat Təbliği İctimai Birliyi İİV və vərəm sahəsində icma əsaslı xidmətlərin əlçatanlığının, keyfiyyətinin və dayanıqlılığının gücləndirilməsinə yönələn əməkdaşlığı və dialoqu dəstəkləməyə davam edir.
