ABŞ Maliyyə Nazirliyinin yaydığı açıqlamaya görə, ABŞ məhdudlaşdırıcı tədbirləri aşaraq İran vəsaitlərinin dövriyyəsini asanlaşdıran 17 şəxsə və 18 şirkətə qarşı sanksiyalar tətbiq edib.
Vətəninfo.az xəbər verir ki, sanksiyalara məruz qalan fiziki və hüquqi şəxslər İran hərbi rəhbərliyinə “qanunsuz neft satışından və raketlər və digər silahlar üçün həssas komponentlərin əldə edilməsindən vəsait əldə etmək üçün beynəlxalq maliyyə sisteminə çıxış” təmin edir.
ABŞ Maliyyə Naziri Bessent “qlobal ticarəti pozmaq” üçün istifadə edilən “İranın kölgə bank sistemi”nin mövcudluğunu açıqlayıb.
O, “bu sistemi asanlaşdıran və ya iştirak edən hər hansı bir qurumun ciddi nəticələrə məruz qalacağını” bildirib. Sanksiyalar siyahısına İran, Honkonq və Böyük Britaniyada yerləşən şirkətlər daxildir.
