image-f52d909f-eac0-4650-81b3-6c6282c56c54backend

Ali təhsil müəssisələrinin tələbələri arasında keçirilən “Zəfər festivalı” adlı idman yarışlarının təltifolunma mərasimi keçirildi

image-reklam_sirab_01

 

 

31 may 2022-ci il tarixdə Azərbaycan Tibb Universitetinin Tədris İdman Kompleksində Nəsimi Rayon İcra Hakimiyyəti, Azərbaycan Tibb Unniversiteti, Nəsimi rayon Gənclər və İdman İdarəsi və ATU-nin “Təbib” İdman Klubunun birgə təşkilatçlılığı ilə ali təhsil müəssisələrinin tələbələri arasında “Zəfər festivalı” adlı idman yarışlarının təltif olunma mərasimi keçirildi.

Tədbirdə Nəsimi Rayon İcra Hakimiyyətinin başçısı Asif Əsgərov, Azərbaycan Tibb Universitetinin rektoru Gəray Gəraybəyli, YAP Nəsimi rayon təşkilatının sədri Azər Süleymanov, “Gənclik” Tələbə İdman Cəmiyyətinin sədri Tofiq Xanəliyev,  Nəsimi rayon Gənclər və İdman İdarəsinin rəisi Şahmar Tağıyev, ATU-nin “Təbib” idman klubunun sədri Qələndər Aslanov və digər şəxslər iştirak ediblər.

Əvvəlcə qonaqlar Azərbaycan Tibb Universitetinin Tədris İdman Kompleksində yerləşən Şəhidlərin banerinin önünə gül dəstələri qoyaraq onların əziz xatirəsini yad etdilər. Daha sonra kompleksin həyətində​ musiqi sədaları altında müxtəlif idman növləri üzrə nümunəvi çıxışlara baxış keçirildi. Nümunəvi çıxışlardan sonra tədbir açıq elan edildi. Dövlət himni səsləndirildi.

Tədbirdə çıxış edən  Azərbaycan Tibb Universitetinin rektoru Gəray Gəraybəyli İlk öncə ali təhsil müəssisələrinin tələbələri arasında keçirilən “Zəfər Festivalı” adlı idman yarışlarında iştirakçıları salamlayaraq Azərbaycan Tibb Universitetinin Tədris İdman Kompleksində görməkdən məmnun olduğu bildirdi.

Qeyd etdi ki, cənab Ali Baş Komandan İlham Əliyevin rəhbərliyi altında Azərbaycan Ordusu 44 günlük Vətən müharibəsində qazandığı qələbə ilə bizə sevinc bəxş etdi.

Məlumdur ki, ölkəmizdə gənclər və idman sahəsinə ayrılan böyük diqqət, dövlət siyasətinin əsas istiqamətlərindən birini təşkil edir. Qürur hissi ilə qeyd etmək lazımdır ki, Azərbaycan artıq beynəlxalq səviyyədə idman tədbirlərinin keçirildiyi bir ölkəyə çevrilmişdir. Yarışlarda qalib gələn bütün tələbələri və mənsub olduqları universitetin əməkdaşlarını təbrik edərək, uğurlarının davamlı olmağını arzu etdi.

Daha sonra Nəsimi rayon İcra Hakimiyyətinin başçısı Asif Əsgərov qeyd etdi ki, bu gün Azərbaycan idmanın inkişaf səviyyəsinə görə dünyada aparıcı ölkələrdən biri kimi tanınır. Son illər  idmançılarımızın istər kütləvi, istərsə də fərdi idman növlərinə görə əldə etdikləri uğurlar Azərbaycanın idman ölkəsi kimi qazandığı beynəlxalq statusu daha da möhkəmləndirmişdir.

Bu gün Prezident İlham Əliyevin uğurla davam etdirdiyi inkişaf strategiyasının məntiqi nəticəsi olaraq ölkəmiz bir çox sahələrdə regionun lider dövlətinə çevrilmişdir. Dövlətimizin iqtisadi qüdrətinin ildən-ilə artması idmanın tərəqqisinə də müsbət təsir göstərmişdir. Hazırda nəinki paytaxtımızda, eləcə də regionlarda bir çox Olimpiya kompleksləri, müasir idman qurğuları istifadəyə verilib, maddi-texniki baza möhkəmləndirilibdir. Bütün bu işlər, əlbəttə ki, idmançılarımızın yerli və beynəlxalq turnirlərdə uğur qazanmalarında müstəsna rol oynayır.

Çıxışlardan sonra tələbələrin ifasında musiqi nömrələri nümayiş etdirildi.

Mayın 28-dən 30-dək keçirilən idman yarışlarında 10 ali təhsil müəssisəsinin komandaları iştirak ediblər. İdmançılar stolüstü tennis, badminton, şahmat, futzal, stritbol, voleybol (oğlanlar), voleybol (qızlar) idman növləri üzrə öz güclərini sınayıblar.

Şahmat, badminton, stolüstü tennis, və voleybol (oğlanlar) idman növləri üzrə Azərbaycan Tibb Universitetinin komandaları, stritbol və voleybol (qızlar) idman növlərində Azərbaycan Dillər Universitetinin komandaları, futzal idman növündə isə Bakı Dövlət Universitetinin komandası I yerin sahibi olublar.

Qaliblər kubok, diplom və medallarla təltif olundular. Tədbirin təşkilində göstərdiyi dəstəyə görə bir qrup könüllü gəncə isə təşəkkürnamələr verildi.

image-d80c1681-fcb9-4798-9bb0-0dc51c85afca image-c5d33ba3-2b51-4530-8396-693e6ceb4a32 image-8c2e53c6-5070-41ec-ae05-9e379b9bc9ff image-da0b0e04-41e5-4ece-9ba5-a21c566900e7 image-14416f29-ff35-42d3-b1a2-0e622ae59bfa image-0b4ff502-524d-44c4-a527-3c4d4788efb5 image-26a49cf1-eede-4ca2-9951-ee28c30ed1a9 image-10bfdf28-4877-4d3b-a32a-7352b3806649 image-f52d909f-eac0-4650-81b3-6c6282c56c54 image-eea6a879-1783-49ea-b659-040ca1bfa5e3 image-aebabee6-16de-4fec-a129-ced4836e7952 image-91517435-714e-47fe-b023-f59f7e919bd9 image-f337b9f0-8ed4-4283-92ea-4fc53f2f6762 image-d80c1681-fcb9-4798-9bb0-0dc51c85afca-1 image-13591be7-211d-46dc-9081-69d7166740c1 image-f646b5f4-022a-49e8-840c-54db433e21f4 image-4ee76ffc-1d05-4f76-8a63-a8ea8c912f07 image-861942d8-2c04-45b1-81c2-c9c347df9e68 image-8635444b-866f-46ce-9aa7-5f22a648b8bf

 


  • whatsapp
  • messenger
  • telegram
  • vkontakte
  • odnoklassniki