2024–2025-ci tədris ili üzrə ümumi təhsil müəssisələrinin birinci siniflərinə şagird qəbulu sistemi yenidən aktivləşdirilib.
Məktəbəqədər və Ümumi Təhsil üzrə Dövlət Agentliyi bildirib ki, I sinfə qeydiyyatı gecikən uşaqlar üçün 18 sentyabr 2024-cü il saat 11:00-dan 15 oktyabr 2024-cü il saat 18:00-a qədər, məktəbəhazırlıq qruplarına qeydiyyatı gecikən uşaqlar üçün isə 18 sentyabr 2024-cü il saat 11:00-dan 27 sentyabr 2024-cü il saat 18:00-a qədər boş qalan yerlərə məktəb və müəllim seçimi aparılacaq.
Qeyd edilən tarixə qədər övladları üçün mektebebqebul.edu.az saytında sorğu yerləşdirən valideynlər müvafiq sənədlərlə məktəbə yaxınlaşaraq övladının ümumi təhsil müəssisəsinə qəbul prosesini yekunlaşdıra bilərlər.
Vətəninfo.az xəbər verir ki, Bakı Şəhəri üzrə Təhsil İdarəsinin məlumatına görə, paytaxtda bəzi məktəblərin I sinifləri dolduğundan 6 yaşlı uşaqlar yaxınlıqdakı alternative məktəblərə yönəldilir.
“Hazırda növbəti tədris ili üzrə bəzi ümumi təhsil məktəblərində açılmış siniflərdə şagird yerləri tutulduğundan alternativ olaraq yaxınlıqdakı bir sıra ümumi təhsil müəssisələri müəyyən edilib”, – məlumatda bildirilib.
Həmin ümumi təhsil məktəblərinin siyahısını təqdim edirik:
|
I sinfə qəbul üzrə şagird yerləri tutulan məktəblər |
Alternativ olaraq müəyyən edilmiş məktəblər |
|
104 nömrəli tam orta məktəb |
146 və 318 nömrəli tam orta məktəblər |
|
145 nömrəli tam orta məktəb |
229 və 238 nömrəli tam orta məktəblər |
|
160 nömrəli Klassik Gimnaziya |
8 nömrəli tam orta məktəb |
|
177 nömrəli tam orta məktəb |
34 və 202 nömrəli tam orta məktəblər |
|
218 nömrəli tam orta məktəb |
218 nömrəli tam orta məktəbin filialı |
|
269 nömrəli tam orta məktəb |
48 və 98 nömrəli tam orta məktəblər |
|
336 nömrəli tam orta məktəb |
286 və 308 nömrəli tam orta məktəblər |
|
81 nömrəli tam orta məktəb |
75 və 307 nömrəli tam orta məktəblər |
|
88 nömrəli tam orta məktəb |
121 nömrəli tam orta məktəb |
|
28 nömrəli tam orta məktəb |
22 nömrəli tam orta məktəb |
