Binəqədi rayonu, Faiq Rüstəmov küçəsi 38 ünvanında ağacın kəsilməsi ilə bağlı Dövlət Ekoloji Təhlükəsizlik Xidmətinə daxil olan şikayət yerində araşdırılıb.
Bu barədə Ekologiya və Təbii Sərvətlər Nazirliyindən bildirilib.
Xidmət rəsmisi Vaqif Cavadov qeyd edib ki, araşdırma zamanı ərazidəki tut ağacının vətəndaş Səyavuş Hüseynov tərəfindən qanunsuz olaraq gövdəsinin üst hissəsindən sərt budandığı müəyyən edilib.
“Faktla bağlı təqsirkar şəxs barəsində protokol tərtib edilib”, – o deyib.
