Birləşmiş Ərəb Əmirlikləri İran İslam Respublikasının ərazisinə bir neçə dəfə zərbə endirmiş ola bilər.
Vətəninfo.az xəbər verir ki, bu barədə mənbələrə istinadən “The Wall Street Journal” qəzeti məlumat yayıb.
Mənbələrə görə, hücumun mümkün hədəflərindən biri İranın Lavan adasındakı neft emalı zavodu olub.
Nəşr qeyd edir ki, zərbə ABŞ və İran arasında atəşkəs rejiminin yaradılması zamanı baş verib, lakin Vaşinqtonun mənfi reaksiyasına səbəb olmayıb. Bundan əlavə, qəzet iddia edir ki, ABŞ Əbu-Dabinin Tehranla qarşıdurmaya qoşulmasını hiss olunmaz dərəcədə alqışlayıb.
Qeyd olunur ki, münaqişənin başlanğıcından bəri BƏƏ digər Körfəz dövlətlərinə nisbətən daha proaktiv mövqe tutub, İrana qarşı daha sərt tədbirlərin görülməsini və ABŞ ilə sıx hərbi əməkdaşlığın davam etdirilməsini müdafiə edib.
