Vətəninfo.az xəbər verir ki, ABŞ Dövlət Departamentinin sözçüsü Ned Prays brifinq zamanı bildirib ki, rəsmi Vaşinqtonun son zamanlar mesajımız dəyişməyib.
Prays 13-14 sentyabrda Azərbaycan ordusunun Ermənistan ordusunun diversat quruplarını zərərsizləşdirməsi və, erməni ordusunun Azərbaycan mövqelərinə hücum cəhtinə cavab olaraq, Azərbaycan ordusunun iki ölkə arasında hələlik müəyyənləşməyən əraziyə çıxaraq bir neçə yüksəkliyi əldə etməsinə münasibət bildirən zaman,qeyd edib ki, Bayden administrasiyası Azərbaycanı qoşunları öz başlanğıc mövqelərinə qaytarmağa çağırıb: “Biz hərbi qüvvələri çıxarmağa və Ermənistanla Azərbaycan arasındakı bütün problemləri sülh yolu ilə həll etməyə çağırırıq. Gücdən istifadə yolverilməzdir. Biz bunu həm şəxsi ünsiyyətdə, həm də açıq şəkildə demişik. Biz şadıq ki, davamlı iştirakımız, o cümlədən ən yüksək səviyyələrdə hərbi əməliyyatların dayandırılmasına kömək etdi”. Dövlət Departamentinin sözçüsü bildirib ki, biz davamlı sülhə nail olmaq üçün lazım olan işi davam etdirəcəklər və təşviq edəcəklər: “Çünki bu münaqişənin hərbi yolla həlli mümkün deyil”.
Jurnalistlər Azərbaycan və Ermənistan xarici işlər nazirləri ilə ABŞ dövlət katibinin ABŞ-da görüşü ilə maraqlanıblar və departametn sözcüsünə Tərəflər sülh prosesində maraqlıdırmı? sualı ilə müraciət ediblər.
Ned Prays bildirib ki, bu, iki xarici işlər nazirinin son zorakılıq başlanmasından sonra ilk üz-üzə görüşü idi. Onun sözlərinə görə, tərəflər mövqelərini müzakirə edəcəklər :“Bizim üçün və xüsusən də dövlət katibi üçün iki tərəfi birləşdirmək vacib idi. Təbii ki, dövlət katibinin iki liderlə söhbətləri olub. Dövlət katibi iki lider üçün atəşkəs və sakitliyin qorunmasının vacibliyini qeyd edib. O bildirib ki, biz sabit atəşkəsin və sülh yolu ilə nizamlanmasının tərəfdarıyıq. Biz hər iki xarici işlər nazirinə açıqladıq ki, ABŞ ikitərəfli, çoxtərəfli formatda, eləcə də tərəfdaşlarla dəstək verməyə hazırdır. Bura həm də Aİ Şurasının sədri Çarlz Mişelin liderləri birləşdirmək səylərinə dəstəyimiz daxildir”. Dövlət Departamentinin sözçüsü bildirib ki, sentyabrın 19-da Nyu-Yorkda Blinken-Bayramov-Mirzoyan ilə görüş zamanı irəliyə doğru ən yaxşı yol müzakirə olunub, katib ayın sonuna kimi sülh prosesinin irəliləyişinə dair fikir mübadiləsi aparmağı təklif edib.
Növbəti görüşlə bağlı suala cavab olaraq Prays qeyd edib ki, bu, tərəflərin qərar verəcəyi məsələdir, lakin o, iştirakın davam etdirilməsinin təkcə Azərbaycan və Ermənistanın deyil, həm də regionun maraqlarına uyğun olduğuna inanır: ““Biz ikitərəfli, üçtərəfli, çoxtərəfli formatlarda kömək təklif etdik və təbii ki, Aİ də mühüm rol oynayır. Bizim vəzifəmiz tərəfləri birləşdirmək, dialoqu asanlaşdırmaq, tərəflərə sülh və diplomatik yolla fikir ayrılıqları üzərində birgə işləməyə kömək etməkdir”. Prays ABŞ-nın həm Azərbaycan, həm də Ermənistanla müntəzəm təmasda olduğunu və bu təmasların davam etdiriləcəyini bildirib. .
