Çin ABŞ prezidenti Donald Trampın Pekinə dövlət səfərindən sonra 200 Boeing təyyarəsi almaq niyyətində olduğunu açıqlayıb. Vətəninfo.az xəbər verir ki , bu barədə Çinin Ticarət Nazirliyi mayın 20-də məlumat verib və əlavə edib ki, ölkə tarifləri azaltmaq üçün ABŞ ilə əməkdaşlıq edəcək.
Bu açıqlama, Çinə Boeing təyyarələrinin satışlarının təxminən on illik dondurulmasına faktiki olaraq son qoyacaq.
Nazirlik bildirib ki, ABŞ və Çin noyabr ayında bitəcək ticarət atəşkəsinin müddətini uzatmaq üçün danışıqlar aparırlar. İki ölkə həmçinin bir-birinin təxminən 30 milyard dollar dəyərində mallarına tətbiq edilən tariflərin azaldılmasını da müzakirə edəcək.
Çin tərəfi əlavə məlumat vermədən, kənd təsərrüfatı məhsulları ilə ikitərəfli ticarəti genişləndirmək və qlobal təchizat zəncirlərində nadir torpaq metallarının tədarükünün sabitliyini təmin etmək üçün ABŞ ilə əməkdaşlıq edəcəyini açıqladı.
