ABŞ FTB direktorunun vəkili Jesse Binnall-in açıqlamasına görə, FTB direktoru Keş Patel “The Atlantic” qəzetinə qarşı 250 milyon dollarlıq məhkəmə iddiası qaldırıb. İddia, jurnalda yayımlanan məqalənin Patel haqqında yalan və uydurma məlumatlar ehtiva etdiyini, onun nüfuzuna xələl gətirdiyini və vəzifəsindən uzaqlaşdırmaq məqsədi güddüyünü bildirir.
İddia edilən məqalədə FTB direktorunun sərxoş olduğu və təhlükəsizlik qrupunun onu bir neçə dəfə yuxudan oyatmaqda çətinlik çəkdiyi qeyd olunub. Patelə görə, bu məlumatlar həqiqəti əks etdirmir və onun nüfuzuna ciddi zərbə vurur.
Vəkil Jesse Binnall bildirib ki, xəbərdəki iddiaların əksəriyyəti “yalan, əsassız və açıq şəkildə böhtan xarakterli”dir və qeyri-müəyyən ifadələrə əsaslanır. Bundan başqa, Patelə məqalədəki iddialara cavab vermək üçün kifayət qədər vaxt verilmədiyi və dərcdən əvvəl vəkili tərəfindən göndərilən məktubun nəzərə alınmadığı da iddia olunur.
“The Atlantic” isə məqalənin iyirmidən çox insanla aparılan müsahibələrə əsaslandığını bildirir və iddiaları rədd edərək, jurnalistlərini məhkəmə iddiasından qoruyacaqlarını açıqlayıb.
Qeyd edək ki, ABŞ Ali Məhkəməsinin 1964-cü il qərarına əsasən, dövlət məmurları böhtan iddiası ilə bağlı işlərdə qalib gəlmək üçün xəbərin “qəsdən zərərli” olduğunu sübut etməlidirlər.
