Tehran danışıqlara hazırdır, amma yalnız ABŞ Hörmüz boğazının blokadasını aradan qaldırdıqdan sonra.
Vətəninfo.az xəbər verir ki, bu barədə İran KİV-lərinin məlumatına görə, İranın BMT-dəki daimi nümayəndəsi Əmir Səid İrəvani bildirib.
“ABŞ yeni danışıqlar mərhələsinə başlamazdan əvvəl atəşkəsi pozmağı dayandırmalıdır. Hörmüz boğazının blokadası qaldırıldıqdan sonra növbəti raund İslamabadda keçiriləcək”, – deyə o bildirib.
İrəvani İranın istənilən ssenariyə hazır olduğunu vurğulayıb.
“Biz hərbi təcavüzə başlamamışıq. Əgər onlar siyasi həll yolu axtarırlarsa, biz hazırıq. Əgər onlar müharibə istəyirlərsə, İran da buna hazırdır”, – deyə o vurğulayıb.
