Vətəninfo.az xəbər verir ki, Beşiktaşda İsrail Konsulluğunun yerləşdiyi binanın qarşısında silah səsləri eşidilib. Baş verən qarşıdurmada 3 terrorçu zərərsizləşdirilib, 2 polis əməkdaşı yaralanıb.
Bildirilir ki, 3 hücumçu kirayə götürülmüş avtomobillə hadisə yerinə gəlib və onların üzərində uzun lüləli silahlar, kamuflyaj geyimlər və çantalar olub.
Daxili İşlər Naziri Mustafa Çiftçi bildirib: “İstanbulda Yapı Kredi Plaza bloklarının qarşısında xidmət aparan polis əməkdaşlarımıza qarşı silahlı hücum edən 3 nəfər zərərsizləşdirilib. Qarşıdurma zamanı iki polis əməkdaşımız yüngül yaralanıb. Terrorçuların şəxsiyyəti müəyyən edilib. İzmitdən kirayə avtomobillə İstanbula gəldikləri müəyyən olunan şəxslərdən birinin dini istismar edən təşkilatla əlaqəsi olduğu, 2-si qardaş olan digər iki terrorçudan birinin isə narkotiklə bağlı qeydiyyatının olduğu müəyyən edilib”.
Vətəninfo.az
