Ekspert: “Mübariz Əliyev nə müharibə iştirakçısı, nə də müharibə əlilidir”
Milli Onkologiya Mərkəzində partlayış törədən şəxsin müharibə iştirakçısı olması ilə bağlı yayılan xəbərlər doğru deyil.
Oxu24.com xəbər verir ki, bu barədə hərbi ekspert Ədalət Verdiyev məlumat yayıb. Ekspertin sözlərinə görə, Mübariz Əliyev nə müharibə iştirakçısı, nə də müharibə əlilidir: “1988-ci il təvəllüdlü Mübariz Sahib oğlu Əliyevin ictimaiyyətə müharibə qazisi kimi təqdim olunduğunu gördüm. Kiçik bir araşdırma apardım. Məlum oldu ki, işğaldan azad edilən rayonların birində anadan olan Mübariz Əliyev 2006-2007-ci illərdə müddətli hərbi xidmətdə olub. Səfərbərlik zamanı isə orduya çağırılmayıb. Mübariz nə müharibə iştirakçısı, nə də müharibə əlilidir” – Ə.Verdiyev yazıb.
