“Azərbaycanda fəaliyyət göstərən təhsil müəssisələrində çalışan pedaqoji heyətin təxminən 90 mindən artığı koronavirus əleyhinə peyvəndin üçüncü dozasını vurdurub”.
Vətəninfo.az xəbər verir ki, bunu təhsil naziri Emin Əmrullayev jurnalistlərə açıqlamasında deyib.
O qeyd edib ki, bu gün istər təhsildə, istərsə də digər sahələrdə iştirakçılığı təmin ediriksə, bunu əhalinin kütləvi vaksinasiyadan keçməsinə borcluyuq:
“İl yarım bundan əvvəl ölkədə gün ərzində yoluxma sayı 5 mindən yüksək olanda problemlər yaşayırdıq. Lakin indiki yoluxma saylarında məktəblər, yaxud ali təhsil müəssisələrində ənənəvi tədrisi davam etdiririk”.
