Peşə təhsili müəssisələrinə ixtisas fənn müəllimi və istehsalat təlimi ustalarının işə qəbulu üzrə müsabiqənin imtahan mərhələsinə start verilir. İmtahan 2 avqust tarixində saat 09:30-da başlayacaq.
İmtahan Bakı, Sumqayıt, Gəncə və Naxçıvan şəhərlərində keçiriləcək. İmtahan məkanı ilə bağlı detallı məlumat imtahana buraxılan müraciətçilərin şəxsi kabinetində yerləşdirmişdir və həmçinin SMS vasitəsilə onlara məlumat göndərilmişdir.
Qeyd edək ki, müsabiqəyə müraciət edən 3708 müraciətçidən 2375 nəfəri imtahan mərhələsinə buraxılıb. İxtisas fənn müəllimləri və istehsalat təlimi ustalarının işə qəbulu müsabiqəsi elektron әrizәlәrin qәbulu, təqdim edilən mәlumatların müsabiqәnin şәrtlәrinә uyğunluğunun müsabiqə komissiyası tәrәfindәn yoxlanılması, test imtahanı, vakant yerlərin seçilməsi və müsahibə mərhələlərindən ibarətdir.
