Qarabağ Universitetində ayrılan plan yerlərinin sayı məlum olub.
Vətəninfo.az-ın “Abituriyent” jurnalına istinadən verdiyi məlumatına görə, Universitetdə III ixtisas qrupu üçün 330 plan yeri ayrılıb.
Azərbaycan dili və ədəbiyyat müəllimliyi, ibtidai sinif müəllimliyi, xarici dil müəllimliyi, beynəlxalq münasibətlər və hüquqşünaslıq ixtisasları üçün 60 yer, tarix ixtisası üçün 30 yer ayrılıb.
Universitetdəki bütün ixtisaslar dövlət sifarişlidir.
Xatırladaq ki, Qarabağ Universiteti Azərbaycan Prezidentinin 28 noyabr 2023-cü il tarixli sərəncamı ilə yaradılıb.
