Rusiya Federal Təhlükəsizlik Xidmətinin əməkdaşları Türkiyə və Avropanı enerji ilə təmin edən neft-qaz kompleksinin obyektində Ukrayna xüsusi xidmət orqanlarının hazırladığı terror aktının qarşısını alıb.
Vətəninfo.az xəbər verir ki, bu barədə FSB-nin İctimaiyyətlə Əlaqələr Mərkəzi (TsOS) məlumat yayıb.
İdarədən bildirilib ki, anbardan yüksək gücə malik iki əldəqayırma partlayıcı qurğu götürülərkən planlaşdırılan terror aktını törədən şəxs saxlanılıb. 1978-ci il təvəllüdlü rus Ukrayna ərazisində ölkənin Təhlükəsizlik Xidmətinin (SBU) əməkdaşları tərəfindən işə götürülüb.
“Yoxlama nəticəsində onun üzərində SBU-nun kuratoru ilə yazışmaları və danışıqları, partlayıcı qurğunun yığılması və pul vəsaitlərinin köçürülməsi təlimatlarını, habelə partlayışın baş verdiyi yerin koordinatlarını əks etdirən rabitə vasitələri aşkar edilib. ”, – deyə hesabatda bildirilir.
FSB əlavə edib ki, təxribatın hazırlanmasını təmin edən Ukrayna xüsusi xidmət orqanlarının dörd şəriki də saxlanılıb.