İsrailin Buxarestdəki səfirliyi Rumıniyadakı Filanthropy yəhudi qəbiristanlığında “Adolf Hitler” adlı məzarın tapıldığını elan edib. Söhbət nasist diktatorundan deyil, onun adaşı haqqındadır.
Vətəninfo.az xəbər verir ki, diplomatik missiyanın dəqiqləşdirdiyi kimi, Aşkenazi “Xeyriyyəçilik” Yəhudi Qəbiristanlığı 1865-ci ildə açılıb və Rumıniya paytaxtında qorunub saxlanılan üç yəhudi qəbiristanlığından ən qədimi və ən böyüyüdür.
Səfirlik məzar daşının Avstriya əsilli yəhudi papaqçı Adolf Hitlerə məxsus olduğunu bildirib. O, 1892-ci ildə, gələcək nasist liderinin cəmi 3 yaşı olanda 60 yaşında vəfat edib.
