Goranboy rayonunda baş verən yol-nəqliyyat hadisəsi ilə bağlı cinayət işi açılıb.
Veteninfo.az-ın əldə etdiyi məlumata görə, hadisə noyabrın 11-i saat 17 radələrində Gəncə-Bakı yolunun rayonun Nizami kəndi ərazisində qeydə alınıb.
Belə ki, 2000-ci il təvəllüdlü Hacıyev Timur Daşqın oğlunun idarə etdiyi “Hyundai Sonata” markalı avtomobil 1962-ci il təvəllüdlü Rüstəmov Abdulxaliq Mamed oğlunun idarə etdiyi “OKA” markalı maşınla toqquşub. Nəticədə sürücü A.Rüstəmov aldığı bədən xəsarətlərindən hadisə yerində ölüb.
Faktla bağlı Goranboy Rayon Polis Şöbəsində Cinayət Məcəlləsinin 263.2-ci (Yol hərəkəti və nəqliyyat vasitələrinin istismarı qaydalarını pozma, ehtiyatsızlıqdan zərərçəkmiş şəxsin ölümünə səbəb olduqda) maddəsi ilə cinayət işi başlanılıb.
