image-6295f13085b926295f13085b95165399377642b7c157af5b07b6300d6cf040a406e4backend

Rasim Balayev Azərbaycan Kinematoqrafçılar İttifaqının sədri seçilib

image-reklam_sirab_01

Xalq artisti Rasim Balayev Azərbaycan Kinematoqrafçılar İttifaqının (AKİ) sədri seçilib.

Bu gün AKİ-nin idarə heyətinin və üzvlərinin ümumi iclası keçirilib.

Tədbir mərhum Xalq yazıçısı Rüstəm İbrahimbəyovun ruhunun bir dəqiqəlik sükutla yad edilməsi ilə başlayıb.

Çıxış edən Xalq yazıçısı, Azərbaycan Yazıçılar Birliyinin sədri Anar Rüstəm İbrahimbəyovun Azərbaycan kino və ədəbiyyat tarixində yerini yüksək qiymətləndirib.

Ardından ittifaqın sədrliyinə açıq səsvermənin keçirilməsini təklif edib və namizəd kimi Xalq artisti Rasim Balayevi təklif edib. Təklif yekdilliklə qəbul edilib və Rasim Balayev sədr vəzifəsinə seçilib.

“Düzü, təklif mənə gələndə bir az tərəddüdlü idim. Amma sonradan qəbul etdim. Mən 23 il Rüstəmlə bir yerdə işləmişəm. Onun idarəçilik qabiliyyətini görmüşəm. İstəyirəm ki, bundan sonra da birlikdə olaq, təkliflər edək, kinomuz üçün kollektiv şəkildə yararlı olaq”, – Rasim Balayev deyib.

İclasda, həmçinin, Cəmil Fərəcov, Həmidə Ömərova və Oleq Səfərəliyev AKİ Rəyasət Heyətinin üzvü seçilib.

Qeyd edək ki, AKİ-nin əvvəlki sədri Xalq yazıçısı Rüstəm İbrahimbəyov martın 10-da Rusiyada vəfat edib.

O, Birinci Fəxri Xiyabanda dəfn olunub.


  • whatsapp
  • messenger
  • telegram
  • vkontakte
  • odnoklassniki