“Rusiya Ukraynaya qarşı heç bir aqressiv plan hazırlamır”.
Veteninfo.az xəbər verir ki, bunu Kremlin mətbuat katibi Dmitri Peskov bildirib.
“Kim kimə hücum edəcək, Rusiya Ukraynaya, yoxsa Ukrayna Rusiyaya? Amerika və Ukrayna mediası Rusiyanın Ukraynaya qarşı təcavüzə, hücuma hazırlaşdığını iddia edir, biz isə bildiririk ki, Ukrayna bizə qarşı aqressiv hərəkətlər planlaşdırır, bu, düzgün başa düşülməli və düzgün şərh edilməli olan nüansdır. Dəfələrlə müxtəlif səviyyələrdə bəyan edilib ki, Rusiya heç kimə hücum etmək fikrində deyil, aqressiv planlar həyata keçirmir”, – deyə Peskov vurğulayıb.
