image-308578333_5921913627827537_3305825687331382597_nbackend

Anım Günü şəhid ailələri və qazilərlə birgə qeyd olundu

image-reklam_sirab_01

Azərbaycan Memarlıq və İnşaat Universitetində (AzMİU) 27 sentyabr – Vətən müharibəsi şəhidlərinin Anım Günü ilə əlaqədar tədbir keçirilib.  AzMİU-nun şəhid məzun və tələbələrinin xatirəsinə ehtiram olaraq yaradılan Memorial-Xatirə Kompleksinin qarşısında keçirilən tədbirdə universitet rəhbərliyi, professor-müəllim heyəti və tələbələrlə yanaşı, şəhid ailələri və qazilər də iştirak edib.

Veteninfo.az xəbər verir ki, açılışdan öncə Azərbaycan Respublikasının Dövlət Himni səsləndirilib və şəhidlərin əziz xatirəsi bir dəqiqəlik sükutla yad edilib.

AzMİU-nun rektoru, professor Gülçöhrə Məmmədova çıxış edərək Azərbaycan Prezidenti, Ali Baş Komandan İlham Əliyevin rəhbərliyi ilə müzəffər ordumuzun 44 günlük Vətən müharibəsində əldə etdiyi qələbədən danışıb. Rektor bildirib ki, 30 illik işğala son qoyan parlaq qələbəmiz dövlətimizin, xalqımızın gücünü bütün dünyaya göstərdi. Professor Gülçöhrə Məmmədova qəhrəmancasına döyüşmüş, ölkəmizin ərazi bütövlüyü yolunda canlarını fəda edərək şəhidlik zirvəsinə ucalmış əsgər və zabitlərimizin ruhu qarşısında baş əydiyini, onların əziz xatirəsinin xalqımızın qəlbində əbədi yaşayacağını qeyd edib.

AzMİU-nun magistratura səviyyəsində təhsil alan tələbəsi Fariz Əzizov çıxışında keçdiyi döyüş yollarından danışıb və həmin dövürdə Azərbaycan Ordusunun döyüş əzminə, əsgərlərimizin düşməni lərzəyə salan milli ruhuna diqqət çəkib.

AzMİU-nun şəhid məzunu Rauf İbadovun atası Məhərrəm İbadov oğlunun xatirələrindən danışaraq onun milli-vətənpərvər məsələlərə həssaslığından söz açıb. Məhərrəm İbadov bildirib ki, Azərbaycan Ordusunun general-mayoru, Milli Qəhrəman Polad Həşimov şəhid olarkən Rauf dərin sarsıntılar keçirib və anasına nəyin bahasına olursa-olsun işğala son qoymaq zamanının yetişdiyini deyib.

Universitetin Tələbə Həmkarlar İttifaqı Komitəsinin sədri Bayram Aslanov isə AzMİU tələbələrinin “dəmir yumruq” ətrafında sıx birləşdiklərini, Vətənin müdafiəsinə daim hazır olduqlarını vurğulayıb.

Qeyd edək ki, 27 sentyabr – Anım Günü ilə əlaqədar AzMİU-da ilk dərslər vətənpərvərlik mövzusuna həsr olunub.

image-309337041_3533099956976397_4422709546165991333_n image-309211743_484743590197222_4335417991196356057_n image-308534636_1264023724347064_3109363966880672797_n image-309374705_671206001098739_4096349934459440163_n image-308508219_5470871806330674_2773178484003222182_n image-308414023_485576319876643_4506956816681021802_n image-308578333_5921913627827537_3305825687331382597_n

 

image-reklam_opel_02

  • whatsapp
  • messenger
  • telegram
  • vkontakte
  • odnoklassniki