“Milli Məclisin nümayəndə heyəti martın 21-dən 26-na dək İsveçrədə işgüzar səfərdə olub”.
Vətəninfo.az xəbər verir ki, bunu Milli Məclisin bugünkü iclasında spiker Sahibə Qafarova deyib. Onun sözlərinə görə, İsveç səfəri çərçivəsində parlamentlərarası əlaqə qurmaq, sülh üçün körpülər qurmaq adına müzakirələr aparılıb:
“Bildirdim ki, parlamentlər sülh və əmin amanlıq üçün töhfələr verə bilər. Qatıldığım toplantıda Qoşulmama Hərkatına Azərbaycanın sədrliyi dövründə atılan addımların hərəkat üçün vacibliyini vurğuladım. Hər 3 toplantıda COP29-a hazırlıq haqqında məlumat verdim”.
Spikerin səfəri zamanı qarşılıqlı maraq doğuran bir sıra məsələlərdə də fikir mübadiləsi aparılıb. Serbiya, Qazaxıstan, Əlcəzair parlamentlərinin sədrləri ilə iki və çoxtərəfli görüşlər keçirilib. Bundan başqa, Azərbaycan və Ermənistan parlamentlərinin sədrləri arasında görüş baş tutub: “Davam edən sülh danışıqları əsasında iki tərəfin hansı formada ülhə töhfə verə biləcəyi barədə danışılıb”.
